Աշխարհի
ամենամեծ զմրուխտը աճուրդի է հանվել Western Star աճուրդի տանը, որը
գտնվում է Կանադայի Բրիտանական Կոլումբիա մարզում: Թանկարժեք քարի քաշը
կազմում է 57.000 կարատ, ինչը հավասար է 11.5 կգ-ի, գրում է
luxurylaunches.com-ը:
Զմրուխտը կոչվում է Teodora, ինչը
թարգմանաբար նշանակում է «Աստծո պարգև», իսկ պեղել են այն Բրազիլիայում,
հետո տեղափոխվել Հնդաստան, այնուհետև Կանադա:
Աշխարհի ամենախոշոր զմրուխտի սեփականատերը Ռեգան Ռինին է, ով այդ քարը գնել է հնդիկ վաճառականներից 1.15 մլն դոլարով:
Աճուրդը կսկսվի 2012թ. հունվարի 28-ին: «Աստծո պարգև» սեփականատերը հույս ունի որ այն կվաճառվի 2-2.5 մլն դոլարով:
