Բեյրութի մոտակայքում 13 հարկանի շենք է քանդվել
Բեյրութից
15 կմ հեռավորությամբ գտնվող Թաբարջա բնակավայրում, այսօր առավոտյան 13
հարկանի կիսակառույց շենք է փլուզվել: Շենքում եղել են օտարերկրյա
բանվորներ Նրանցից մեկը` հնդկաստանի քաղաքացի մի աշխատող զոհվել է, ևս 7-ը`
վիրավորվել:
Փլուզման պատճառը դեռ անհայտ է,
սակայն ըստ որոշ տեղեկությունների` շենքը սկսել է կառուցվել դեռևս 1972
թվականից` լիբանանյան քաղաքացիական պատերազմից առաջ: Սակայն անվտանգության
նկատառումներով շինարարություն դադարեցվել է և շենքը գտնվել է կիսավեր
վիճակում:
Հիշեցնենք, որ Բեյրութում շենք էր փլուզվել նաև հունվարի 15-ին, ինչի հետևանքով 27 մարդ զոհվել էր, 12-ը` վիրավորվել: