Մարտիրոս Սարյանի տուն-թանգարանի դռները դեռ բաց են
«Մեծանուն
նկարիչ Մարտիրոս Սարյանի տուն-թանգարանում վերակառուցման աշխատանքներ դեռ
չեն սկսվել: Վերակառուցման նախագիծը դեռ պետք է քաղաքաշինության
նախարարության կողմից էլ հաստատվի, այնուհետև` կառավարության: Այնպես որ,
տուն-թանգարանը բաց է, ու մենք անհամբեր սպասում ենք մեր այցելուներին»,-
ասել է տուն-թանգարանի տնօրեն Ռուզան Սարյանը: Նա նշել է, որ տարածված այն
տեղեկատվությունը, թե իբր թանգարանում շինաշխատանքները սկսվելու են
մարտից, ազդել է այցելուների հոսքի վրա: «Թանգարանը մինչև ամռան սկիզբ բաց է
լինելու»,- ընդգծեց տնօրենը:
Ռ. Սարյանն
ասաց, որ վերակառուցման նախագիծն արդեն մշակույթի նախարարության կողմից
հաստատվել է: Նախագծով նախատեսվում է նաև լրացուցիչ տարածքներ, չորրորդ
հարկ, նոր պահոցներ:
Տուն-թանգարանում, ըստ նրա,
տարվա ընթացքում նոր ցուցադրություններ չեն լինի: Բայց
սեպտեմբեր-դեկտեմբերին Գաֆեսճյան արվեստի կենտրոնում ցուցադրվելու է
Սարյանի տուն-թանգարանի ցուցանմուշները: