Կալիֆոռնիայի
բնակչուհի 47-ամյա Փոլին Փոթերը դարձել է աշխարհի ամենագեր կինը և
գրանցվել է Գինեսի ռեկորդների գրքում: Ամերիկուհին կշռում է 317.5 կգ: Կինը
չի ամաչում իր տեսքից, այլ ընդհակառակը նշում է, որ տղամարդիկ խելագարվում
են իր համար: Փոթերն ասում է, որ ինքը ցանկանում է նիհարել մինչև 200 կգ, և
դա միայն այն բանի համար, որ չի տեղավորվում մեքենայի մեջ:
Փոլինը
նաև տխրում է, որ չի կարողանում այցելել թատրոն, քանի որ իր չափերին
համապատասխան աթոռներ չկան: «Հանկարծ ինձ համար դժվար դարձավ կատարել
տարրական գործողություններ` ինքնուրույն բարձրանալ անկողնուց, լոգանք
ընդունել, նույնիսկ գուլպաներ հագնել»,- ասում է Փոլինը: Նիհարելու համար
նա շաբաթական 5 անգամ լողանում է ջրավազանում, ինչպես նաև ֆիզիկական
վարժություններ է կատարում և երկար զբոսնում:
Փոլինի գիրությունը
ժառանգական է. նրա մայրն ունեցել է մոտ 190 կգ քաշ, հայրը` 300 կգ, 8
եղբայրներից միայն մեկն է ունեցել նորմալ քաշ, մնացածը 140 կգ-ից ավել են
եղել:
