Թուրքիայի խորհրդարանի պաշտոնական կայքը հասանելի կլինի 7 օտար լեզվով
Թուրքական
Akşam թերթի փոխանցմամբ՝ Թուրքիայի Ազգային մեծ ժողովի (ԹԱՄԺ) նախագահ
Ջեմիլ Չիչեքը նամակներ է հղել թուրք պատգամավորներին, որոնցում նրանց
իրազեկել է նոր նախագծերի մասին:
Չիչեքը
մասնավորապես նշել է, որ մեկնարկել են ԹԱՄԺ-ի պաշտոնական կայքը 7 օտար
լեզուներով հասանելի դարձնելու աշխատանքները: Խոսքը անգլերենի, ֆրանսերենի,
գերմաներենի, իսպաներենի, արաբերենի, ռուսերենի ու չինարենի մասին է:
Չիչեքը
հայտարարել է, որ այդ աշխատանքներն ավարտվելու են ապրիլին, և որ դրանք
կատարվում են ԹԱՄԺ-ի միջազգային իմիջի բարձրացման շրջանակներում: