Միշտ
էլ հետաքրքրված եմ եղել այն հարցով, թե ինչն է աշխարհի ամենահետաքրքիր
բանը: Հարցերն ուղղվել են տարբեր մարդկանց ղեկավար ատյաններում, գիտական
ասպարեզներում, հասարակական սեկտորներում, որտեղ էլ պատասխաններն այնքան
տարբեր էին, որքանով որ հետաքրքիր էին: Ոմանց համար ամենահետաքրքիր բանը
սերն է, ոմանց համար կրոնը, կրթությունը, բնությունը, բիզնեսը,
գիտությունը, քանդակագործությունը, որոնցից յուրաքանչյուրն էլ յուրովի
կարող են ճիշտ լինել, բայց ամենահետաքրքիրը ԴՈՒ ես, այո ԴՈՒ: Մի պահ կանգ
առ ու խորհիր, փորձիր գնահատել քեզ, քեզ ու այն ամենը, ինչին դու ունակ
ես: Դու պարզապես երբեք ժամանակ չես տրամադրել մտածելու,վերլուծելու քո
ընդունակությունները, հասկանալու քո իրական ուժը, և իրապես բացահայտելու թե
ինչ հրաշալի էակ ես Դու : Պետք է հիշես, որ միայն ԴՈՒ ես, ով կարող է
մտածել, ստեղծել ու արարել, ում ձեռքին են պատկանելու վաղվա ֆանտաստիկ
հայտնագործությունները: Դա դու ես, ով օգտագործելով բնության ընձեռած
հնարավորությունները վերածում է այն լույսի, ուժի, ջերմության դարձնելով
մեր կյանքը դյուրին ու հետաքրքիր: Ըստ հայտնի հնդկական լեգենդի, մի ժամանակ
բոլոր մարդիկ եղել են աստվածներ: Բայց մի օր իրավունքները չարաշահելու
պատճառով զրկվեցին դրանից: Աստվածների աստված Բրահման որոշում է հանել
աստվածային միտքն ու խելքը մարդու գլխից ու թաքցնել այնտեղ, որտեղ երբեք
մարդը չէր կարողանա գտնել: Աստվածներից մեկը խորհուրդ է տալիս թաքցնել այն
սարի գագաթին, իսկ Բրահմա աստվածն ավելացրեց, որ մարդը մի գուցե հասնի
կատարին, մյուսի խոսքին, թե թաքցնել այն գետնի տակ պատասխանը հետևեց, թե
մարդը կփորի ու նորից կգտնի: Վերջապես ”Վիսդոմ” աստվածն ասաց:-”Թաքցրեք
այն հենց մարդու մեջ, քանզի նա երբևէ չի մտածի փնտրել այն հենց իր մեջ:”
Այո’, դու ամենակարող ես, բայց և ոչինչ, եթե չփնտրես այն ինչը քեզանում է:
Դրա վառ ապացույցը հետևյալն է:Մի ագարակատեր վաճառել է հարավային
Աֆրիկայում գտնվող իր ագարակը, քանզի ելք չէր գտնում այն փրկելու
կործանումից, բայց մեկ ուրիշի խելքով ու ջանքերով այն ներկայումս այդ
տարածաշրջանի ամենախոշոր ադամանդի հանքերից է: Մարդու կյանքում
ամենանվիրական օրը այն է, երբ հավատում ես մի բանի: Հավատը քաջության
գրավականն է: Կյանքի առաջխաղացումն ու գիտությունը հավատի արդյունք են,
իսկ դրա իրականացնողը ԴՈՒ ես: ՈՒրեմն ԴՈՒ ՀՐԱՇՔ ԵՍ.....