Բնապահպան ակտիվիստները կասեցրեցին շինարարությունը
20.02.2012
Երեւանի
Մաշտոցի այգում կրպակների կառուցումը արգելելու պահանջով քաղաքապետարանի
առջեւ այսօր բողոքի ցույց անցկացրած բնապահպան ակտիվիստները, վերադառնալով
այգի, քիչ առաջ որոշում կայացրեցին սեփական ուժերով կասեցնել
շինարարությունը:
Նրանց հաջողվեց ճեղքել կառուցվող կրպակների շուրջ պատ կազմած ոստիկանների դիմադրությունը, հաղթահարել մետաղական արգելափակոցները, եւ մուտք գործել շինհրապարակ:
Այս պահին մի քանի տասնյակ ակտիվիստներ կառուցվող կրպակի ողջ մակերեսով շղթա են կազմել եւ շինարարությունը կասեցվել է: Նրանց հետ բանակցում է Ոստիկանության Երեւանի վարչության հասարական կարգի ապահովման բաժնի պետի տեղակալ Կարեն Մովսիսյանը: Նա պնդում է, որ ակտիվիստների գործողությունները անօրինական են, որակում է դրանք ինքնիրավչություն, եւ պահանջում ազատել տարածքը` հայտարարելով, որ հակառակ դեպքում ոստիկանությունը կդիմի օրենքով սահմանված միջոցների օգնությանը:
Ակտիվիստները սակայն պնդում են, որ կազատեն տարածքը միայն եթե ոստիկանությունը ցուցում տա կասեցնել շինարարությունը:
Նրանց հաջողվեց ճեղքել կառուցվող կրպակների շուրջ պատ կազմած ոստիկանների դիմադրությունը, հաղթահարել մետաղական արգելափակոցները, եւ մուտք գործել շինհրապարակ:
Այս պահին մի քանի տասնյակ ակտիվիստներ կառուցվող կրպակի ողջ մակերեսով շղթա են կազմել եւ շինարարությունը կասեցվել է: Նրանց հետ բանակցում է Ոստիկանության Երեւանի վարչության հասարական կարգի ապահովման բաժնի պետի տեղակալ Կարեն Մովսիսյանը: Նա պնդում է, որ ակտիվիստների գործողությունները անօրինական են, որակում է դրանք ինքնիրավչություն, եւ պահանջում ազատել տարածքը` հայտարարելով, որ հակառակ դեպքում ոստիկանությունը կդիմի օրենքով սահմանված միջոցների օգնությանը:
Ակտիվիստները սակայն պնդում են, որ կազատեն տարածքը միայն եթե ոստիկանությունը ցուցում տա կասեցնել շինարարությունը:
